monumenta.ch > Plinius > sectio 115
Word Selection for Searching
Report an Error in this Sectio
Plinius, Naturalis Historia, 6, 115
{XXIX} Persae Rubrum mare semper accoluere, propter quod is sinus Persicus vocatur. regio ibi maritima Ceribobus; qua vero ipsa subit ad Medos, Climax Megale appellatur locus arduo montis ascensu per gradus, introitu angusto, ad Persepolim, caput regni, dirutam ab Alexandro. praeterea habet in extremis finibus Laodiceam ab Antiocho conditam.